लोक वार्ता –राज राठोड
दिल्ली | राजधानी दिल्लीतील लाल किल्ला मेट्रो स्थानकाजवळ सोमवारी दुपारी कारमध्ये झालेल्या भीषण स्फोटात १३ जणांचा मृत्यू झाला असून २४ जण जखमी झाले आहेत. या घटनेमुळे संपूर्ण शहरात हाय अलर्ट जारी करण्यात आला आहे, अशी माहिती मिळाली आहे.
स्फोट इतका तीव्र होता की कारने पेट घेतला आणि आजूबाजूच्या तीन ते चार वाहनांनाही आग लागली. घटनास्थळी एकूण ७ अग्निशमन गाड्या दाखल झाल्या असून आगीवर नियंत्रण मिळवण्याचे प्रयत्न सुरू आहेत.
स्फोट मेट्रो स्थानकाच्या गेट क्रमांक १ जवळ घडला. आठ जणांचा मृत्यू रुग्णालयात नेण्यापूर्वीच झाला. तीन जणांची प्रकृती गंभीर असून एकाची स्थिती सध्या स्थिर आहे.
दिल्ली पोलिसांच्या स्पेशल सेलची टीम घटनास्थळी दाखल झाली असून स्फोटाचे नेमके कारण अद्याप स्पष्ट झालेले नाही. तपास सुरू आहे.
