लोक वार्ता – राज राठोड
पुणे, ८ नोव्हेंबर २०२५ हडपसर परिसरात घरफोडी करणाऱ्या सराईत गुन्हेगारास पुणे गुन्हे शाखा युनिट ६ ने अटक करत मोठी कारवाई केली आहे. आरोपीकडून देशी बनावटीचे अग्निशस्त्र, जिवंत काडतूस आणि लाखो रुपयांचे सोन्याचे दागिने हस्तगत करण्यात आले असून, त्याच्याशी संबंधित तीन घरफोडीचे गुन्हे उघडकीस आले आहेत.
गुन्हे शाखा युनिट ६ चे पोलीस अंमलदार कानिफनाथ कारखेले व नितीन मुंढे यांना मिळालेल्या गोपनीय माहितीनुसार, हंसराज सिंग उर्फ हँसू (वय १९, रा. तुळजा भवानी वसाहत, हडपसर) हा आपल्या परिसरात परतल्याची माहिती मिळाली. पोलीस निरीक्षक वाहीद पठाण व मदन कांबळे यांच्या मार्गदर्शनाखाली पथकाने सापळा रचून आरोपीस ताब्यात घेतले.
घरझडतीत धक्कादायक मुद्देमाल:दोन पंचांच्या उपस्थितीत आरोपीच्या घराची झडती घेतली असता खालील मुद्देमाल जप्त करण्यात आला:
– देशी बनावटीचे एक अग्निशस्त्र
– एक रिकामी मॅगजीन
– एक जिवंत काडतूस
– १५५ ग्रॅम वजनाचे विविध सोन्याचे दागिने, एकूण जप्त मुद्देमालाची किंमत: १८लाख २२हजार २००, रुपये किमतीचे मुद्देमान आरोपीकडून जप्त करण्यात आला आहे.
तपासादरम्यान आरोपीचा खालील तीन घरफोडीच्या गुन्ह्यांशी संबंध निष्पन्न झाला:
1. सहकारनगर पोलीस स्टेशन.
2. चिखली पोलीस स्टेशन.
3. भोसरी एम.आय.डी.सी. पोलीस स्टेशन.
हडपसर पोलीस स्टेशनमध्ये आरोपीविरुद्ध गु.र.क्र. ९५४/२०२५ नुसार भा.ह.का. कलम ३(२५) व महाराष्ट्र पोलीस कायदा कलम ३७(१) सह १३५ अंतर्गत गुन्हा नोंदवण्यात आला आहे.
वरिष्ठांच्या परवानगीने आरोपीस हडपसर पोलीस स्टेशनच्या ताब्यात देण्यात आले असून, पुढील कायदेशीर प्रक्रिया सुरू आहे. अशी माहिती मिळाली आहे.
सदरची कामगीरी मा. अप्पर पोलीस आयुक्त (गुन्हे) श्री. पंकज देशमुख, मा. पोलीस उप आयुक्त (गुन्हे) श्री निखिल पिंगळे, मा. सहा. पोलीस आयुक्त (गुन्हे) श्री राजेंद्र मुळीक गुन्हे शाखा, पोलीस निरीक्षक वाहीद पठाण युनिट ६ यांचे मार्गदर्शनाखाली गुन्हे शाखा, युनिट ६ कडील सपोनि मदन कांबळे, पोलीस अंमलदार नितीन मुंढे, कानिफनाथ कारखेले, बाळासाहेब सकटे, सारंग दळे, प्रशांत कापुरे, निलेश साळवे, गिरीष नाणेकर, सुहास तांबेकर, सचिन पवार, निर्णय लांडे, नेहा तापकीर, ऋषीकेश ताकवणे, नितिन धाडगे, ऋषीकेश व्यवहारे, शेखर काटे, बाळासाहेब तनपुरे, म.पो.अं. प्रतिक्षा पानसरे, कीर्ती मांदळे, सोनाली नरवडे यांनी केली आहे.
