लोक वार्ता – राज राठोड
पुणे: पुणे शहरातील वाढत्या घरफोडीच्या घटनांना आळा घालण्यासाठी समर्थ पोलिसांनी कारवाई केली आहे. तब्बल १२६ सीसीटीव्ही कॅमेऱ्यांचे फुटेज तपासून पोलिसांनी एका सराईत गुन्हेगाराला अटक केली असून, त्याच्याकडून चोरीला गेलेले ९० हजार रुपयांचे दागिने जप्त करण्यात आले आहेत.
नेमकी घटना काय?
दिनांक ८ जानेवारी २०२६ रोजी फिर्यादी यांच्या घरात अज्ञात चोरट्याने प्रवेश करून घरातील ९०हजार रुपये किमतीचे सोन्याचे दागिने चोरून नेले होते. याप्रकरणी समर्थ पोलीस ठाण्यात घरफोडीचा गुन्हा दाखल करण्यात आला होता.
शहरात सातत्याने होणाऱ्या घरफोडीच्या घटनांमुळे गुन्हेगाराला पकडण्याचे मोठे आव्हान पोलिसांसमोर होते.
मा. वरिष्ठ पोलीस अधिकाऱ्यांच्या मार्गदर्शनानुसार, समर्थ पोलीस ठाण्याच्या तपास पथकाने तातडीने तपासाची चक्रे फिरवली. तपासादरम्यान पोलिसांनी:
समर्थ पोलीस स्टेशन हद्द आणि पुणे शहर परिसरातील तब्बल १२६ सीसीटीव्ही कॅमेऱ्यांचे फुटेज तपासले.
तांत्रिक विश्लेषण आणि गुप्त बातमीदारांकडून मिळालेल्या माहितीच्या आधारे चोरट्याचा मागोवा घेतला.
अखेर पोलिसांनी संशयित आरोपीला सापळा रचून ताब्यात घेतले.
ताब्यात घेतलेल्या आरोपीची सखोल चौकशी केली असता, त्याने आपले नाव सोहेल समीर शेख (वय २६ वर्षे, रा. न्यू नाना पेठ, पत्राचाळ, पुणे) असल्याचे सांगितले. पोलिसी खाक्या दाखवताच त्याने ८ जानेवारी रोजी केलेली घरफोडी मान्य केली. यानंतर पोलिसांनी २० जानेवारी २०२६ रोजी त्याला रीतसर अटक केली.
पोलिसांनी आरोपीकडून चोरीला गेलेले सर्व ९०हजार रुपये किमतीचे सोन्याचे दागिने जप्त केले आहेत. तपासात असेही समोर आले आहे की, आरोपी सोहेल शेख हा सराईत गुन्हेगार असून त्याच्यावर यापूर्वीही पुणे शहरात चोरी आणि इतर गंभीर स्वरूपाचे २ गुन्हे दाखल आहेत.
सदरची कामगिरी ही मा. अपर पोलीस आयुक्त, पश्चिम प्रादेशीक विभाग, पुणे शहर, श्री. राजेश बनसोडे, मा. पोलीस उपआयुक्त, परिमंडळ-०१, पुणे शहर, श्री. कृषिकेश रावले, मा. सहाय्यक पोलीस आयुक्त, फरासखाना विभाग, पुणे शहर, श्रीमती अनुजा देशमाने यांचे मार्गदर्शनाखाली मा. वरिष्ठ पोलीस निरीक्षक, समर्थ पोलीस स्टेशन, पुणे शहर, श्री. उमेश गित्ते, पोलीस निरीक्षक (गुन्हे), समर्थ पोलीस स्टेशन, पुणे शहर, श्री. चेतन मोरे यांच्या सुचनेप्रमाणे पोलीस तपास पथकातील सहा. पोलीस निरीक्षक धिरज राऊत, पोलीस अंमलदार संतोष पागार, रविंद्र औचरे, रोहीदास वाघेरे, शिवा कांबळे व अमोल गावडे यांनी केली.
