लोक वार्ता –राज राठोड
पुणे | १ नोव्हेंबर २०२५ गुन्हे शाखा युनिट ६च्या सतर्क पथकाने वाघोली-लोणीकंद परिसरात विद्युत ट्रान्सफॉर्मरमधून तांब्याच्या तारा चोरणाऱ्या एका तरुणाला अटक करून तब्बल २ लाखांचा मुद्देमाल हस्तगत केला आहे.
गुन्हे शाखा युनिट ६चे पोलीस निरीक्षक श्री. वाहीद पठाण, सहा. पोलीस निरीक्षक मदन कांबळे आणि पोलीस अंमलदार पेट्रोलिंग करत असताना अंमलदार ताकवणे यांना मिळालेल्या गुप्त माहितीवरून संशयित अंशुमन राम केवल यादव (वय १९, रा. शिरुर बायपास रोड, पुणे) यास ताब्यात घेण्यात आले.
युनिट ६ कार्यालयात विश्वासात घेऊन चौकशी केली असता अंशुमन यादव याने वाघोली व लोणीकंद परिसरात आपल्या साथीदारांसह ट्रान्सफॉर्मरमधील तांब्याच्या तारा चोरल्याची कबुली दिली. पुढील तपासात एकूण २ लाख किमतीच्या तारा जप्त करण्यात आल्या.
गुन्ह्यांची उकल ,या आरोपीच्या चौकशीतून खालील गुन्हे उघडकीस आले:
– वाघोली पोलीस स्टेशन: २ गुन्हे
– लोणीकाळभोर पोलीस स्टेशन: १ गुन्हा
– लोणीकंद पोलीस स्टेशन: १ गुन्हा.यासंदर्भात पुढील तपास सुरू आहे.
सदरची कामगीरी मा. अपर पोलीस आयुक्त, गुन्हे श्री. पंकज देशमुख, मा.पोलीस उप-आयुक्त, गुन्हे श्री. निखिल पिंगळे, मा. सहा. पोलीस आयुक्त, गुन्हे श्री. राजेंद्र मुळीक यांचे मार्गदर्शनाखाली पोलीस निरीक्षक श्री. वाहीद पठाण युनिट ६ यांचे सुचनांप्रमाणे गुन्हे शाखा युनिट ६ कडील सहा. पोलीस निरीक्षक राकेश कदम, सहा. पोलीस निरीक्षक मदन कांबळे, पोलीस अंमलदार सारंग दळे, बाळासाहेब सकटे, प्रशांत कापुरे, निलेश साळवे, विनायक साळवे, गिरीष नाणेकर, कानिफनाथ कारखेले, नितीन मुंढे, सुहास तांबेकर, सचिन पवार, ऋषीकेश ताकवणे, नितिन धाडगे, ऋषीकेश व्यवहारे, शेखर काटे, बाळासाहेब तनपुरे, प्रतिक्षा पानसरे, कीर्ती मांदळे व सोनाली नरवडे यांनी केली आहे.
