लोक वार्ता – राज राठोड 

पुणे : वाघोली पोलिसांनी एम.डी. (मॅफेड्रॉन) ड्रग्ज विक्री करणाऱ्या टोळीवर कारवाई करत दोन आरोपींना अटक केली असून एकूण ३१ लाख ६ हजार रुपयांचा मुद्देमाल जप्त केला आहे.

दि. ०५ एप्रिल २०२६ रोजी वरिष्ठ पोलीस निरीक्षक नंदकुमार गायकवाड यांच्या मार्गदर्शनाखाली पोलिस पथक पेट्रोलिंग करत असताना सातव वस्ती रोडवरील आशियाना लॉज परिसरात संशयित कार आढळली. पोलिसांनी चौकशी केली असता योगेश सुभाष कणगरे (वय ३८, रा. लोहगाव) याच्याकडे ५ ग्रॅम ४ मिलीग्रॅम एम.डी. पावडर व चारचाकी गाडी असा मुद्देमाल आढळून आला.

तपासादरम्यान कणगरे याने ही ड्रग्ज त्याचा साथीदार सोनू सिंह उर्फ मनुवेंद्र सिंह (वय ४२, रा. टिंगरेनगर) याच्याकडून घेतल्याची कबुली दिली. त्यानुसार पोलिसांनी सोनू सिंह याला अटक केली. त्याच्याकडून ८ ग्रॅम ७ मिलीग्रॅम एम.डी., दुचाकी व मोबाईल जप्त करण्यात आले.

पुढील तपासात त्याच्या घर व कारची झडती घेतली असता आणखी २३ ग्रॅम २ मिलीग्रॅम एम.डी. पावडर तसेच महागडी कार जप्त करण्यात आली.

या कारवाईत एकूण ३७ ग्रॅम ३ मिलीग्रॅम एम.डी., दोन कार, एक दुचाकी व मोबाईल असा ३१.०६ लाख रुपयांचा मुद्देमाल हस्तगत करण्यात आला आहे.

या प्रकरणी एनडीपीएस कायद्यानुसार गुन्हा दाखल असून पुढील तपास पोलीस उपनिरीक्षक मनोज बागल करत आहेत.

सदरची कामगिरी मा. अपर पोलीस आयुक्त, पुर्व प्रादेशिक विभाग, पुणे शहर, श्री. मनोज पाटील मा. पोलीस उप आयुक्त परीमंडळ ७, पुणे शहर श्री. सोमय मुंडे, मा. सहा. पोलीस आयुक्त, लोणीकंद विभाग पुणे शहर श्री. नुतन पवार यांचे मार्गदर्शनाखाली वरीष्ठ पोलीस निरीक्षक वाघोली श्री. नंदकुमार गायकवाड पोलीस स्टेशन, पोलीस निरीक्षक (गुन्हे) श्रीमती पल्लवी मेहेर वाघोली पोलीस स्टेशन, सहा. पोलीस निरीक्षक, विनायक अहिरे, तपास पथक अधिकारी पोउपनि/मनोज बागल, पोलीस उपनिरीक्षक राहूल कोळपे खराडी पो.स्टे. पुणे शहर, पोलीस अंमलदार बाबासाहेब मोराळे, प्रदिप मोटे, मंगेश जाधव, सुनिल कुसाळकर, समीर भोरडे, पांडुरंग माने, विशाल गायकवाड, दिपक कोकरे, साईनाथ रोकडे, प्रितम वाघ, शिवाजी चव्हाण, मारुती वाघमारे, अशोक शेळके, अमोल सरतापे, गहिनाथ बोयणे, अमोल ढोणे लोणीकंद पो.स्टे. यांनी केली आहे.

The post वाघोलीत एम.डी. ड्रग्जविक्रीवर पोलिसांचा मोठा घाव; दोन आरोपी अटक : ३१ लाख ६ हजार रुपयांचा मुद्देमाल जप्त appeared first on lokvarta live.

पुणे : काळेपडळ पोलीस ठाणे हद्दीत घरगुती गॅसचा काळाबाजार करणाऱ्या दुकानावर पोलिसांनी छापा टाकून मोठी कारवाई केली आहे. या कारवाईत १०३ गॅस सिलेंडरसह एक इसम ताब्यात घेण्यात आला असून सुमारे १० लाख रुपयांचा मुद्देमाल जप्त करण्यात आला आहे.

पोलीसांकडून मिळालेल्या माहितीनुसार, हद्दीत सुरू असलेल्या अवैध धंद्यांवर कारवाई करण्यासाठी वरिष्ठांच्या आदेशानुसार तपास पथक गस्त घालत होते. यावेळी पोलीस अंमलदार महादेव शिंदे यांना गोपनीय माहिती मिळाली की, हांडेवाडी परिसरात एक व्यक्ती घरगुती गॅस सिलेंडरमधून व्यावसायिक गॅस टाक्यांमध्ये गॅस ट्रान्सफर करत आहे.

सदर माहितीची खातरजमा केल्यानंतर पोलिसांनी तात्काळ काव्या मल्टी सर्व्हिसेस या दुकानावर छापा टाकला. दुकानाबाहेर उभी असलेल्या मारुती सुझुकी सुपर कॅरी टेम्पो (क्र. एमएच १४ केओ ७९१७) मध्ये घरगुती व व्यावसायिक गॅस टाक्या आढळून आल्या. दुकानाच्या आत तपासणी केली असता, एक इसम अत्यंत धोकादायक पद्धतीने घरगुती गॅस सिलेंडरमधून व्यावसायिक व ५ किलोच्या टाक्यांमध्ये गॅस भरताना आढळून आला.
पोलिसांनी तत्काळ कारवाई करत संबंधित इसमास ताब्यात घेतले. चौकशीत त्याने आपले नाव नितीन हनुमंत होळकर (वय ३८, रा. हांडेवाडी, पुणे) असे सांगितले. गॅस साठवणुकीसाठी आवश्यक परवान्याबाबत विचारणा केली असता, त्याच्याकडे कोणताही अधिकृत परवाना नसल्याचे स्पष्ट झाले.

या कारवाईत पोलिसांनी १०३ गॅस सिलेंडर आणि एक चारचाकी वाहन असा एकूण १०,०९,३०० रुपये किंमतीचा मुद्देमाल जप्त केला आहे. याप्रकरणी काळेपडळ पोलीस ठाण्यात गुन्हा रजिस्टर क्रमांक १६४/२०२६ नोंद करण्यात आला असून अत्यावश्यक वस्तू अधिनियम कलम ३ व ७ अन्वये गुन्हा दाखल करण्यात आला आहे.

पोलिसांच्या या कारवाईमुळे परिसरातील अवैध गॅस व्यवसायावर आळा बसण्याची शक्यता व्यक्त केली जात आहे. पुढील तपास काळेपडळ पोलीस करीत आहेत.

सदरची कामगिरी ही राजकुमार शिंदे, पोलीस उप आयुक्त परिमंडळ ६, पुणे शहर, अतुलकुमार नवगिरे, सहाय्यक पोलीस आयुक्त, हडपसर विभाग यांचे मार्गदर्शनाखाली मानसिंग पाटील, वरिष्ठ पोलीस निरीक्षक, काळेपडळ पोलीस स्टेशन, यांचे सुचनेप्रमाणे सहा. पो. निरी. अमित शेटे, पो.हवा.प्रविण काळभोर, दाऊद सय्यद, प्रतिक लाहिगुडे, अमोल फडतरे, विशाल ठोंबरे, शाहीद शेख, लक्ष्मण काळे, अतुल पंधरकर, सद्दाम तांबोळी, प्रदिप बेडीस्कर, महादेव शिंदे, गिरीराज जगदाळे यांचे पथकाने करुन प्रशंसनीय कामगिरी केली आहे.

The post घरगुती गॅसचा काळाबाजार उघडकीस, काळेपडळ पोलिसांची धडक कारवाई : १०३ गॅस सिलेंडरसह एक जण ताब्यात, लाखोंचा मुद्देमाल जप्त. appeared first on lokvarta live.

लोक वार्ता – राज राठोड
पुणे : बिबवेवाडी पोलीस स्टेशनच्या हद्दीत सासरच्या छळाला कंटाळून एका विवाहित महिलेने आत्महत्या केल्याची धक्कादायक घटना घडली आहे. या प्रकरणी पोलिसांनी पतीसह सात जणांविरुद्ध गुन्हा दाखल केला आहे.

याबाबत कल्याण येथील ५० वर्षीय महिलेने बिबवेवाडी पोलीस ठाण्यात फिर्याद दिली आहे. फिर्यादीच्या म्हणण्यानुसार, तिची मुलगी सुवर्णा सर्जेराव जाधव (वय ३३, रा. शेळके वस्ती, अप्पर बिबवेवाडी) ही सासरी राहत असताना सासरच्या लोकांकडून तिला वारंवार छोट्या-मोठ्या कारणावरून शिवीगाळ, मारहाण आणि मानसिक त्रास दिला जात होता.

हा छळ सन २०१६ पासून सुरू असल्याचा आरोप मयत महिलेच्या नातेवाईकांनी केला आहे. सततच्या मानसिक आणि शारीरिक त्रासाला कंटाळून सुवर्णा जाधव यांनी अखेर टोकाचे पाऊल उचलत राहत्या घरात गळफास घेऊन जीवन संपवले.

या घटनेनंतर बिबवेवाडी पोलिसांनी कारवाई करत मयत महिलेच्या सासरच्या लोकांविरुद्ध गुन्हा दाखल केला आहे. यामध्ये पती सर्जेराव जाधव (वय ३८), सासरे माणिक जाधव (वय ७०), सासू जयश्री जाधव (वय ६५) तसेच लक्ष्मी कांबळे, पुष्पा लोंढे, रोहन लोंढे आणि अनुराधा जाधव यांचा समावेश आहे, अशी माहिती पोलिसांकडून मिळाली आहे.

सासरच्या छळामुळे त्रस्त झालेल्या महिलेने आत्महत्या केल्याची ही घटना अत्यंत गंभीर मानली जात असून, पोलिसांकडून पुढील तपास सुरू आहे.

घरगुती छळामुळे पुन्हा एकदा एका महिलेचा बळी गेल्याने परिसरात संताप व्यक्त केला जात आहे. महिलांवरील अत्याचार रोखण्यासाठी कठोर कारवाईची मागणी नागरिकांकडून केली जात आहे.

The post सासरच्या छळाला कंटाळून विवाहितेची आत्महत्या; बिबवेवाडीत धक्कादायक घटना, पतीसह ७ जणांवर गुन्हा दाखल appeared first on lokvarta live.

लोक वार्ता – राज राठोड

पुणे : शहरातील सार्वजनिक सुरक्षितता अबाधित ठेवण्यासाठी परिमंडळ-१ अंतर्गत पोलिसांनी मोठी तपासणी मोहीम राबवत अवैध प्रकारांवर अंकुश आणण्यासाठी ही मोहीम दि. १० एप्रिल २०२६ रोजी सायंकाळी ७ ते रात्री १० या वेळेत राबविण्यात आली.

ही कारवाई पोलीस आयुक्त अमितेश कुमार यांच्या आदेशान्वये करण्यात आली. फरासखाना, समर्थ, खडक, विश्रामबाग, डेक्कन आणि शिवाजीनगर पोलीस ठाण्यांच्या हद्दीत येणाऱ्या ठिकाणांवर विशेष लक्ष केंद्रित करण्यात आले.

पोलिसांनी एकूण ४२ सार्वजनिक ठिकाणे, ब्लॅक स्पॉट्स आणि मोकळ्या मैदानांची तपासणी केली. या मोहिमेदरम्यान सार्वजनिक शांततेस बाधा आणणाऱ्या तसेच अवैध कृत्यांवर कठोर कारवाई करण्यात आली.

कारवाईचा आढावा :

🔹 भा.न्या.सं. कलम २८५ अंतर्गत – ३ गुन्हे दाखल

🔹 कोटपा कायद्यान्वये – १२ खटले

🔹 ट्रिपल सीट विरोधात – ३१ कारवाया

🔹 महाराष्ट्र पोलीस अधिनियम अंतर्गत – २२ खटले

🔹 एन.डी.पी.एस. कायद्यान्वये – २ गुन्हे

🔹 महाराष्ट्र दारूबंदी कायद्यान्वये – ४ गुन्हे

पोलिसांचा इशारा :

शहरातील सार्वजनिक ठिकाणी अवैध कृत्ये, अंमली पदार्थ विक्री, वाहतूक नियमांचे उल्लंघन यांसारख्या प्रकारांवर पुढेही अशाच धडक मोहिमा सुरू राहणार असल्याचे पोलिसांकडून स्पष्ट करण्यात आले आहे.

या कारवाईमुळे गुन्हेगारी प्रवृत्तीला आळा बसण्यास मदत होणार असून नागरिकांच्या सुरक्षेला प्राधान्य देत पुणे पोलिसांनी पुन्हा एकदा सतर्कतेचा संदेश दिला आहे.

सदरची कारवाई ही मा.श्री. अमितेश कुमार, पोलीस आयुक्त, पुणे शहर मा.श्री. रंजनकुमार शर्मा, पोलीस सह आयुक्त, पुणे शहर मा. श्री. राजेश बनसोडे, अपर पोलीस आयुक्त, पश्चिम प्रादेशिक विभाग, पुमे शहर यांचे मार्गदर्शनाखाली श्री. कृषिकेश रावले, पोलीस उप-आयुक्त परिमंडळ-१ पुणे शहर व परिमंडळ-१ कार्यक्षेत्रातील सर्व पोलीस ठाणेचे वरिष्ठ पोलीस निरीक्षक व पोलीस ठाणेचे प्रभारी अधिकारी व पोलीस अंमलदार यांनी केलेली आहे.

The post पुण्यात परिमंडळ-१ मध्ये पोलिसांची धडक तपासणी मोहीम, ब्लॅक स्पॉट, मोकळी मैदाने आणि सार्वजनिक ठिकाणांवर पोलिसांची नजर ; गुन्हेगारीला आळा घालण्यासाठी विशेष मोहीम appeared first on lokvarta live.

लोक वार्ता – राज राठोड

पुणे : नामांकित शैक्षणिक संस्थेच्या प्राचार्यांना खोट्या गुन्ह्यात अडकविण्याची भीती दाखवून ७ लाख रुपयांची खंडणी उकळल्याचा गंभीर प्रकार उघडकीस आला आहे. या प्रकरणी पोलीस उपनिरीक्षकासह दोन अंमलदारांवर गुन्हा दाखल करण्यात आला असून, पोलिस विभागात खळबळ उडाली आहे.

कागदपत्रांच्या कारणावरून दबावाचे राजकारण:

मिळालेल्या माहितीनुसार, जुलै २०२५ मध्ये एका विद्यार्थीनीने तिची मूळ कागदपत्रे परत मिळवण्यासाठी पोलिसांकडे तक्रार केली होती. या तक्रारीच्या अनुषंगाने तपास सुरू असताना संबंधित अधिकाऱ्यांनी प्राचार्यांच्या केबिनमध्ये जाऊन त्यांच्यावर गंभीर आरोप केल्याचे समोर आले आहे.

POCSO कारवाईची धमकी देत खंडणीची मागणी:

विद्यार्थिनी अल्पवयीन असल्याचा दावा करत प्राचार्यांवर POCSO अंतर्गत गुन्हा दाखल करण्याची धमकी देण्यात आली. तसेच संस्थेची बदनामी होईल, अशी भीती निर्माण करून सुरुवातीला १० लाख रुपयांची मागणी करण्यात आली.

तडजोडीनंतर ७ लाख रुपये ठरविण्यात आला. २८ जुलै २०२५ रोजी ही रक्कम कॉलेजमधील एका कर्मचाऱ्यामार्फत आरोपींकडे सुपूर्द करण्यात आल्याची माहिती तपासात समोर आली आहे.

विद्यार्थिनीच्या तक्रारीनंतर उघड झाला बनाव:

घडलेल्या प्रकारामुळे अस्वस्थ झालेल्या विद्यार्थिनीने आपल्या पालकांसह पोलीस आयुक्तालयात तक्रार केली. या तक्रारीच्या चौकशीत संबंधित पोलीस कर्मचाऱ्यांनी संगनमताने हा प्रकार रचल्याचे निष्पन्न झाले. याप्रकरणी खोटा गुन्हा दाखल करण्याची भीती दाखवत खंडणी उकळल्याचे स्पष्ट झाले आहे.

या प्रकरणी पोलीस उपनिरीक्षक अजित बडे, पोलीस अंमलदार सुदाम तायडे आणि महिला पोलीस अंमलदार सोनाली हिंगे यांच्याविरुद्ध बंडगार्डन पोलीस स्टेशन येथे गु.र.नं. ८७/२०२६ नुसार भारतीय न्याय संहितेच्या कलम ३०८ (२), ३०८ (६), ६१ (२) व ३ (५) अंतर्गत गुन्हा दाखल करण्यात आला आहे. पुढील तपास सुरू आहे.

कायद्याचे रक्षण करणाऱ्या यंत्रणेतीलच कर्मचाऱ्यांकडून असा प्रकार घडल्याने पोलिसांच्या विश्वासार्हतेवर प्रश्नचिन्ह उपस्थित झाले आहे. या प्रकरणात दोषींवर कठोर कारवाई होण्याची मागणी होत आहे.

The post खोट्या गुन्ह्याचा धाक दाखवून ७ लाखांची खंडणी; पोलीस उपनिरीक्षकासह तिघांवर गुन्हा appeared first on lokvarta live.

लोक वार्ता – राज राठोड

पुणे : अंमली पदार्थ विरोधी पथक २, गुन्हे शाखा पुणे शहर यांनी कोंबिंग ऑपरेशनदरम्यान विमाननगर परिसरातील एका हुक्का पार्लरवर धडक कारवाई करत अवैध धंद्यांचा पर्दाफाश केला. या कारवाईत एकूण १,४७,५५० रुपयांचे हुक्का साहित्य व विदेशी दारू जप्त करण्यात आली आहे.

दि. ०५ एप्रिल २०२६ रोजी वरिष्ठांच्या आदेशानुसार परिमंडळ ०७ हद्दीत पेट्रोलिंग सुरू असताना पथकाला अॅटलान्टिस रूफ टॉप लाऊंज हॉटेल, विमाननगर येथे विनापरवाना हुक्का पार्लर चालवला जात असल्याची गोपनीय माहिती मिळाली. मिळालेल्या माहितीनुसार पोलिसांनी तात्काळ छापा टाकला.

१) स्वप्निल शांताराम तांबे, वय ३२ वर्ष, रा. स्वस्तिक कोलो, उद्रे हॉस्पिटल जवळ, केसनंद फाटा, वाघोली, पुणे, २) अमेय मुकेश अजमीरे, वय २८ वर्ष, रा. पाम अटलांटिस, बावडी रोड, वाघोली, पुणे ३) नवरंग विठ्ठलराव कोल्हे, वय २८ वर्ष, रा. अटलांटिस रुफ टॉप लाउंज, रॉयल टॉवर, विमाननगर, पुणे, ४) अमितकुमार दयालजी गोयल, वय २६ वर्ष, रा. फॉरेस्ट एज, खराडी, पुणे, ५) कमरूल इस्लाम लष्कर, वय २६ वर्ष, रा. साईनाथ नगर, लेन नंबर १, खराडी, पुणे, ६) शिवमकुमार श्रीरामराज यादव, वय २३ वर्ष, रा. सदर, ७) माहरुफ अफताफउद्दीन आलम, वय १८ वर्ष, रा. सदर हे विनापरवाना हुक्का बार चालवत असल्याचे तसेच विदेशी दारूचा साठा करून विक्री करत असल्याचे आढळून आले.

पोलिसांनी घटनास्थळावरून हुक्का पॉट, विदेशी दारूच्या बाटल्या, इतर साहित्य आणि रोख रक्कम असा एकूण १,४७,५५० रुपयांचा मुद्देमाल जप्त केला.

या प्रकरणी सर्व आरोपींविरोधात विमानतळ पोलीस ठाण्यात गुन्हा क्रमांक २००/२०२६ नोंद करण्यात आला असून, त्यांच्यावर सिगारेट व अन्य तंबाखुजन्य उत्पादने (महाराष्ट्र सुधारणा) अधिनियम २०१८ तसेच महाराष्ट्र दारुबंदी अधिनियम अंतर्गत कलमांनुसार कारवाई करण्यात आली आहे.

पोलिसांनी दिलेल्या माहितीनुसार, शहरात अवैध हुक्का पार्लर आणि दारू विक्रीवर नियंत्रण ठेवण्यासाठी अशा कारवाया पुढेही सुरू राहणार आहेत.

सदरची कारवाई मा. पोलीस आयुक्त, पुणे शहर, श्री. अमितेश कुमार, मा. पोलीस सह आयुक्त,.. श्री. रंजनकुमार शर्मा, मा. अपर पोलीस आयुक्त गुन्हे, श्री. पंकज देशमुख, मा. पोलीस उप-आयुक्त गुन्हे, श्री. निखील पिंगळे, मा. सहाय्यक पोलीस आयुक्त गुन्हे ३ श्री. शंकर खटके, यांचे मार्गदर्शनाखाली वरिष्ठ पोलीस निरीक्षक, अंमली पदार्थ विरोधी पथक ०२ श्री पंडीत रेजितवाड यांचे सुचनांप्रमाणे सहा पोलीस निरीक्षक नितीन नाईक पोलीस अंमलदार शेख, पांडुळे, देवकाते, चव्हाण, सोनवणे, कळसकर, बास्टेवाड, तसेच महिला पोलीस अंमलदार माकडी यांनी केली आहे.

The post विमाननगरात हुक्का पार्लरवर पोलिसांचा छापा; १.४७ लाखांचा मुद्देमाल जप्त : ७ जणांविरोधात गुन्हा दाखल appeared first on lokvarta live.

लोक वार्ता – राज राठोड

पुणे : गुन्हे शाखेच्या अनैतिक मानवी वाहतूक व व्यापार प्रतिबंध कक्षाने (AHTU) न-हे येथे मोठी कारवाई करत वेश्याव्यवसाय चालवणाऱ्या टोळीचा पर्दाफाश केला आहे. या कारवाईत ४ पीडित महिलांची सुटका करण्यात आली असून ३ आरोपींना अटक करण्यात आली आहे.

दिनांक ४ एप्रिल २०२६ रोजी पोलिसांना न-हे गावातील झिल कॉलेजजवळ असलेल्या “स्वर्ग एक्झिक्युटिव्ह पॅराडाईज लॉज” येथे महिलांकडून वेश्याव्यवसाय करून घेत असल्याची गोपनीय माहिती मिळाली होती.

पोलीस निरीक्षक छगन कापसे यांच्या मार्गदर्शनाखाली तात्काळ पथकाने हालचाल करत बनावट ग्राहकाच्या मदतीने माहितीची खात्री केली.

अचानक छापा; रंगेहात पकडले आरोपी:

माहिती पक्की होताच पोलिसांनी लॉजवर अचानक छापा टाकला. या कारवाईत खालील आरोपींना अटक करण्यात आली:

अभिषेक दिलीप गवळी (वय २४, रा. खेड शिवापूर)

रामु सांडु देवकर (वय २४, रा. सिंहगड परिसर)

महेश गणेश नागणे (वय ३४, रा. न-हे गाव)

हे आरोपी महिलांना लॉजमध्ये आणून त्यांच्याकडून वेश्याव्यवसाय करून घेत असल्याचे उघड झाले.

४ पीडित महिलांची सुटका:

या कारवाईदरम्यान पोलिसांनी ४ महिलांची सुटका केली असून त्यांना सुरक्षित ठिकाणी हलविण्यात आले आहे. संबंधित महिलांना आवश्यक ती मदत आणि पुनर्वसनाची प्रक्रिया सुरू करण्यात आली आहे.

गुन्हा दाखल, पुढील तपास सुरू:

या प्रकरणी न-हे पोलीस ठाण्यात गुन्हा क्रमांक ०५/२०२६ नोंदवण्यात आला असून भारतीय न्याय संहिता आणि अनैतिक मानवी वाहतूक प्रतिबंध अधिनियम १९५६ अंतर्गत कलम ३, ४, ५ नुसार कारवाई करण्यात आली आहे.

वरिष्ठांच्या मार्गदर्शनाखाली कारवाई:

ही कारवाई अपर पोलीस आयुक्त पंकज देशमुख, पोलीस उपायुक्त निखील पिंगळे, तसेच सहाय्यक पोलीस आयुक्त शंकर खटके यांच्या मार्गदर्शनाखाली पार पडली.

पोलीस निरीक्षक छगन कापसे यांच्या नेतृत्वाखालील पथकातील अधिकारी व कर्मचारी—ईश्वर आंधळे, तुषार भिवरकर, बबनराव केदार, अमय रसाळ, किशोर भुजबळ, तसेच महिला पोलीस कर्मचारी रेश्मा कंक आणि वैशाली इंगळे—यांनी ही धडाकेबाज कारवाई यशस्वी केली.

पोलिसांचा इशारा:

पुणे पोलिसांनी अशा प्रकारच्या अनैतिक कृत्यांवर कठोर कारवाई सुरूच राहणार असल्याचा इशारा दिला असून नागरिकांनीही संशयास्पद हालचालींबाबत माहिती देण्याचे आवाहन केले आहे.

The post न-हे येथे लॉजवर छापा : वेश्याव्यवसायातून ४ महिलांची सुटका, ३ आरोपी जेरबंद appeared first on lokvarta live.

लोक वार्ता – राज राठोड

पुणे : उपमुख्यमंत्री एकनाथ शिंदे यांच्या कार्यालयात ‘ओएसडी’ (विशेष कार्याधिकारी) असल्याचे खोटे भासवून फसवणूक करण्याचा प्रयत्न करणाऱ्या तोतया व्यक्तीचा पर्दाफाश विश्रामबाग पोलिसांनी केला आहे. 

या प्रकरणात प्रद्युम्न श्रीहरी पाटील (वय ४७, रा. हिंजवडी) याच्याविरोधात गुन्हा दाखल करण्यात आला आहे.

ही घटना १ एप्रिल रोजी दुपारी साडेचारच्या सुमारास परिमंडळ १ पोलीस उपायुक्त कार्यालयात घडली. याबाबत पोलीस उपनिरीक्षक दत्तात्रय जाधव यांनी विश्रामबाग पोलीस ठाण्यात फिर्याद दिली आहे.

असे उघड झाले प्रकरण:

पोलीस उपायुक्त ऋषिकेश रावले यांनी सांगितले की, २०२१ मध्ये समर्थ पोलीस ठाण्यात सॉफ्टवेअर फसवणुकीचा गुन्हा दाखल झाला होता. हा खटला सध्या न्यायालयात प्रलंबित आहे. या प्रकरणातील तक्रारदार आगरवाल यांची ओळख त्यांच्या मित्रामार्फत प्रद्युम्न पाटीलशी झाली होती.

पाटीलने स्वत:ला उपमुख्यमंत्री एकनाथ शिंदे यांच्या कार्यालयातील ओएसडी असल्याचे सांगत, “पोलिसांच्या मदतीने कोर्टाबाहेर नुकसानभरपाई मिळवून देतो,” असे आमिष दाखवले. यासाठी त्याने मिळणाऱ्या रकमेपैकी १० टक्के हिस्सा मागितल्याचेही समोर आले आहे.

थेट पोलीस उपायुक्तांच्या कार्यालयात हजेरी:

बुधवारी दुपारी पाटील थेट पोलीस उपायुक्त ऋषिकेश रावले यांच्या कार्यालयात दाखल झाला. उपमुख्यमंत्री कार्यालयातील अधिकारी आल्याचे समजताच पोलिसांमध्ये काही काळ गडबड उडाली. त्याने रावले यांची भेट घेत, संबंधित प्रकरणात पोलिसांनी योग्य तपास केला नसल्याचा आरोप करत दबाव टाकण्याचा प्रयत्न केला.

संशय आल्याने सत्य बाहेर:

पाटीलच्या बोलण्यात विसंगती जाणवल्याने पोलीस उपायुक्त रावले यांना संशय आला. त्यांनी तत्काळ उपमुख्यमंत्री एकनाथ शिंदे यांच्या कार्यालयाशी संपर्क साधून खातरजमा केली. त्यावेळी असा कोणताही व्यक्ती ओएसडी म्हणून कार्यरत नसल्याचे स्पष्ट झाले. यानंतर सखोल चौकशी करताच पाटीलची तोतयागिरी उघडकीस आली. त्याला तात्काळ विश्रामबाग पोलिसांच्या ताब्यात देण्यात आले.

पुढील तपास सुरू:

पोलिसांनी आरोपीला नोटीस बजावून चौकशीसाठी बोलावले असून, या प्रकरणाचा तपास सहायक पोलीस निरीक्षक पांडुरंग वाघमारे करीत आहेत.

या घटनेमुळे उच्चपदस्थ अधिकाऱ्यांच्या नावाचा गैरवापर करून फसवणूक करण्याचे प्रकार पुन्हा एकदा समोर आले आहेत.

The post उपमुख्यमंत्री यांच्या नावाचा गैरवापर; ‘ओएसडी’ असल्याचे भासवणारा तोतया पोलिसांच्या जाळ्यात appeared first on lokvarta live.

लोक वार्ता – राज राठोड

पिंपरी-चिंचवड पोलीस आयुक्तालयाच्या आदेशानुसार अंमली पदार्थांविरोधात सुरू असलेल्या मोहिमेत हिंजवडी पोलिसांनी मोठी कामगिरी बजावत दोन आरोपींना अटक केली आहे. या कारवाईत एकूण सुमारे २७.५५ लाख रुपयांचा मुद्देमाल जप्त करण्यात आला आहे.

दि. २४ मार्च २०२६ रोजी हिंजवडी पोलीस ठाण्याच्या गुन्हे शोध पथकाने पेट्रोलिंग दरम्यान मिळालेल्या गुप्त माहितीच्या आधारे वाकड येथील विनोदे वस्ती परिसरात सापळा रचला. त्यावेळी चारचाकी वाहनातून एम.डी. (मेफेड्रोन) अंमली पदार्थ विक्रीसाठी येणाऱ्या अतुल शंकर बालगुडे (वय ३५, रा. पाथरगाव, ता. मावळ) याला ताब्यात घेण्यात आले.
त्याच्या ताब्यातून ४२ ग्रॅम एम.डी. ड्रग्स (किंमत सुमारे ४.२० लाख रुपये) तसेच वाहनासह एकूण ३.२४ लाख रुपयांचा मुद्देमाल जप्त करण्यात आला.

तपासादरम्यान आरोपीचा साथीदार शाहरुख उर्फ सद्दाम इक्बाल अन्सारी (रा. गोवंडी, मुंबई) यालाही गोवंडी येथून अटक करण्यात आली. त्याच्याकडून २०० ग्रॅम एम.डी. ड्रग्स (किंमत सुमारे २० लाख रुपये) हस्तगत करण्यात आले.
या प्रकरणी हिंजवडी पोलीस ठाण्यात गु.र. नं. १८४/२०२६ अंतर्गत एनडीपीएस कायदा कलम ८(क), २२(ब)(क), २९ नुसार गुन्हा दाखल करण्यात आला असून पुढील तपास सहायक पोलीस निरीक्षक सोमनाथ पांचाळ करीत आहेत.

सदरची कारवाई मा. श्री. विनयकुमार चौबे साो, पोलीस आयुक्त पिंपरी चिंचवड, मा. श्री. डॉ. शशिकांत महावरकर सोो. पोलीस सह आयुक्त पिंपरी चिंचवड, मा. श्री. सारंग आवाड सो. अपर पोलीस आयुक्त (गुन्हे), मा. श्री. डॉ. बसवराज तेली सो. अपर पोलीस आयुक्त (प्रादेशिक विभाग), मा. श्री. विशाल गायकवाड, पोलीस उप आयुक्त परि.२, पिंपरी चिंचवड, मा. श्री. बाळासाहेब कोपनर सहा. पोलीस आयुक्त, हिंजवडी विभाग पिं चि यांचे मार्गदर्शनाखाली हिंजवडी पोलीस स्टेशनचे, वरिष्ठ पोलीस निरीक्षक श्री. बालाजी पांढरे, पोलीस निरीक्षक (गुन्हे) श्री. ऋषीकेश घाडगे, तपास पथकाचे प्रमुख सहायक पोलीस निरीक्षक सोमनाथ पांचाळ, सहायक पोलीस निरीक्षक दुर्गानाथ साळी, श्रेणी पोलीस उप निरीक्षक अशोक दुधवणे, पोलीस अंमलदार, नरेश बलसाने, चिंतामणी जोशी, कैलास केंगले, संदीप मासाळ, विजय गेंगजे, प्रशांत गिलबिले, कबीर पिंजारी, कारभारी पालवे, ओमप्रकाश कांबळे, विशाल भोईर, अरुण पारधी यांनी केली आहे.

The post हिंजवडी पोलिसांची मोठी कारवाई – एम.डी. ड्रग्ससह दोघे आरोपी जाळ्यात : २७ लाख ५५ हजाराचा मुद्देमाल जप्त appeared first on lokvarta live.

लोक वार्ता – राज राठोड 

पुणे शहरातील येरवडा पोलीस स्टेशनच्या हद्दीत येणाऱ्या कल्याणीनगर या उच्चभ्रू परिसरात मसाज सेंटरच्या नावाखाली वेश्याव्यवसाय चालवला जात असल्याची गोपनीय माहिती पोलिसांना मिळाली होती. ही माहिती वरिष्ठ पोलीस निरीक्षक श्री. अंजुम बागवान यांना प्राप्त झाल्यानंतर त्यांनी तत्काळ कारवाईचे आदेश दिले.

माहितीची खातरजमा करण्यासाठी पोलिसांनी बनावट ग्राहक पाठवून सापळा रचला. त्यानुसार दि. ३१ मार्च २०२६ रोजी कल्याणीनगर येथील “निरा स्पा सेंटर”वर अचानक छापा टाकण्यात आला. या कारवाईत अरमान रहिमउद्दीन हुसेन (वय २१ वर्ष, रा. विमाननगर, पुणे) यास ताब्यात घेण्यात आले.

छाप्यादरम्यान आरोपीने दोन महिलांना वेश्याव्यवसायासाठी प्रवृत्त केल्याचे निष्पन्न झाले. पोलिसांनी तत्काळ त्या दोन्ही पीडित महिलांची सुटका केली. या प्रकरणी दि. ०१ एप्रिल २०२६ रोजी येरवडा पोलीस स्टेशन येथे गु.र. नं. २०१/२०२६ अन्वये भारतीय न्याय संहिता कलम १४३(१)(३), ३(५) तसेच अनैतिक व्यापार प्रतिबंधक अधिनियम कलम ३, ४ व ५ अंतर्गत गुन्हा दाखल करण्यात आला आहे.

सदर आरोपीस अटक करण्यात आली असून पुढील तपास येरवडा पोलीस स्टेशनचे पोलीस निरीक्षक (गुन्हे) श्री. विजय ठाकर हे करत आहेत.

सदरची कामगिरी मा. अपर पोलीस आयुक्त, पुर्व प्रादेशिक विभाग पुणे शहर श्री. मनोज पाटील, मा. पोलीस उपायुक्त, परिमंडळ ०४ पुणे शहर श्री. चिलुमूला रजनिकांत, मा. सहा. पोलीस आयुक्त, येरवडा विभाग पुणे शहर श्री. सुनिल जैतापुरकर यांचे मार्गदर्शनाखाली वरीष्ठ पोलीस निरीक्षक, येरवडा पोलीस स्टेशन श्री. अंजुम बागवान, पोलीस निरीक्षक गुन्हे श्री. विजय ठाकर यांचे सुचनांप्रमाणे सहा. पोलीस निरी. दिनेशकुमार पाटील, पोलीस उप-निरीक्षक महेश फटांगरे, परी. मपोउनि शुभांगी चव्हाण, पोलीस अंमलदार कांबळे, मुकुंद कोकणे, शैलेश वाबळे, गणेश पालवे, साईनाथ म्हस्के, मोनिका पवार, दिव्या मोरे, सपना म्याना व सुवर्णा साळोखे यांनी केलेली आहे.

The post कल्याणीनगरमध्ये मसाजच्या आड वेश्याव्यवसाय; स्पा सेंटरवर येरवडा पोलिसांचा छापा appeared first on lokvarta live.