लोक वार्ता –राज राठोड
पुणे : बंडगार्डन पोलिसांनी चैन स्नॅचिंग करणाऱ्या दोन विधीसंर्घषीत बालकांना ताब्यात घेऊन तब्बल २ लाख ५० हजार रुपये किमतीचा मुद्देमाल हस्तगत केला आहे. यात सोन्याचे गंठण (२ लाख रुपये किंमतीचे) व होंडा अॅक्टीव्हा (५० हजार रुपये किंमतीची) असा समावेश आहे.
दिनांक २९ जुलै २०२५ रोजी सकाळी फिर्यादी पुणे स्टेशन प्लॅटफॉर्म क्र. ६ पासून ए.आय.एस.एस.एम.एस. कॉलेजकडे पायी जात असताना दोन अनोळखी इसमांनी त्यांच्या गळ्यातील मंगळसुत्र हिसका मारून जबरी चोरी केली. याबाबत फिर्यादीने दिलेल्या तक्रारीवरून बंडगार्डन पोलीस स्टेशनमध्ये जबरी चोरीचा गुन्हा दाखल करण्यात आला.
तपास:
गुन्ह्याचा तपास करताना पोलिसांनी ५५ सीसीटीव्ही कॅमेरे तपासले. तपासादरम्यान पोलीस अंमलदार सारस साळवी व प्रकाश आव्हाड यांनी आरोपींचा ठावठिकाणा शोधून काढला. आरोपी हे नडशी (ता. कराड, जि. सातारा) येथील असल्याचे निष्पन्न झाले. पोलिसांनी तात्काळ नमूद ठिकाणी जाऊन दोन्ही आरोपींना त्यांच्या राहत्या घरातून ताब्यात घेतले.
चौकशीदरम्यान आरोपींनी गुन्ह्याची कबुली दिली. त्यांनी पुणे स्टेशन परिसरात आणखी चोरी केल्याचेही सांगितले. चोरी केलेले सोन्याचे गंठण त्यांनी गहाण ठेवले होते. पोलिसांनी तेथून मुद्देमाल हस्तगत केला.
पोलिसांची कामगिरी:
या कारवाईत बंडगार्डन पोलिसांनी दोन गुन्हे उघडकीस आणले. सोन्याचे गंठण : २ लाख रुपये किंमतीचे, होंडा अॅक्टीव्हा : ५० हजार रुपये किंमतीची
एकूण २ लाख ५० हजार रुपये किंमतीचा मुद्देमाल जप्त करण्यात आला आहे.
सामाजिक संदेश:
नागरिकांनी गर्दीच्या ठिकाणी सतर्क राहावे. मौल्यवान दागिने परिधान करताना काळजी घ्यावी. संशयास्पद हालचाली दिसल्यास त्वरित पोलिसांना कळवावे.
सदरची कामगिरी मा. अपर पोलीस आयुक्त, पश्चिम प्रादेशिक विभाग पुणे, श्री. राजेंद्र बनसोडे, मा. पोलीस उप-आयुक्त परिमंडळ २, श्री. मिलिंद मोहिते, मा. सहाय्यक पोलीस आयुक्त लष्कर विभाग श्रीमती संगिता आल्फोन्सो शिंदे यांचे मार्गदर्शनाखाली बंडगार्डन पोलीस स्टेशनकडील मा. वरिष्ठ पोलीस निरीक्षक श्री. संतोष पांढरे, मा. पोलीस निरिक्षक (गुन्हे), श्री. निलकंठ जगताप यांचे सुचनेप्रमाणे पोलीस उप-निरीक्षक धिरज गुप्ता, मोहन काळे, पोलीस अंमलदार प्रदिप शितोळे, सारस साळवी, प्रकाश आव्हाड, महेश जाधव, ज्ञानेश्वर बडे, मनोज भोकरे, शिवाजी सरक व ज्ञानेश्वर गायकवाड.
