लोक वार्ता – राज राठोड
पुणे : समर्थ पोलीस स्टेशन. आंदेकर टोळीच्या समर्थकांनी उघडपणे धमकीचा सूर लावत “बदला घेणार” असे स्टेटस इंस्टाग्रामवर पोस्ट केल्याने पोलिसांनी कठोर पावले उचलली आहेत.
या प्रकरणात समर्थ पोलीस स्टेशनमध्ये गुन्हा क्रमांक 223/2025 असा दाखल करण्यात आला असून, आरोपीविरुद्ध BNS कलम 353(2), 125, 3(5) अंतर्गत गुन्हा नोंदविण्यात आला आहे. पोलिस तपासानुसार, आंदेकर टोळीशी संलग्न असलेल्या व्यक्तीने आपल्या इंस्टाग्राम अकाऊंटवर , बदला घेणार अशा प्रकारचा ,स्टेटस स्टोरी ,ठेवल्याने यांच्यावर कारवाई करण्यात आली आहे,
पोलिसांनी याला गंभीरतेने घेत तात्काळ कायदेशीर कारवाई केली आहे. समर्थ पोलिसांनी दिलेल्या माहितीनुसार, अशा प्रकारे सोशल मीडियाचा वापर करून समाजात भीतीचे वातावरण निर्माण करणे, कायदा आणि सुव्यवस्थेला आव्हान देणे यावर कोणतीही तडजोड केली जाणार नाही.
पोलीस अधिकाऱ्यांनी इशारा दिला आहे की, सोशल मीडियावर धमकीवजा पोस्ट टाकून कायद्याला आव्हान देणाऱ्यांविरुद्ध कठोरात कठोर कारवाई करण्यात येईल. कोणालाही कायद्याच्या चौकटीबाहेर जाऊन वर्तन करण्याची मुभा दिली जाणार नाही.
या घटनेनंतर शहरातील गुन्हेगारी टोळ्यांवर पोलिसांचे वर्चस्व टिकवून ठेवण्यासाठी कारवाईचा धडाका सुरूच राहणार असल्याचे संकेत मिळत आहेत.
