लोक वार्ता – राज राठोड
पुणे : दि.१८ ऑक्टोबर २०२५ — सणासुदीच्या काळात सुरक्षिततेच्या अपेक्षांना तडा देणारी एक धक्कादायक घटना पुण्यात घडली. शुक्रवार पेठेतील ६४ वर्षीय महिला सकाळी ६ वाजता तपाडिया बंगला, साठे कॉलनी परिसरातून पायी जात असताना, मोटारसायकलवरून तोंडाला रुमाल बांधून आलेल्या दोन अज्ञात चोरट्यांनी , ६४ वर्षीय ज्येष्ठ महिलेच्या गळ्यातील मंगळसूत्र व सोन्याची चेन जबरदस्तीने हिसकावून पळ काढला. चोरी गेलेल्या दागिन्यांची अंदाजित किंमत १लाख, ९०हजार इतकी आहे.
ही घटना इतक्या वेगाने घडली की महिलेने आरडाओरड करण्याचा प्रयत्न केला, मात्र चोरटे काही क्षणांतच पसार झाले. सणासुदीच्या पार्श्वभूमीवर अशा प्रकारच्या घटनांमुळे महिलांमध्ये आणि नागरिकांमध्ये भीतीचं वातावरण निर्माण झाले आहे. सकाळच्या वेळेस रस्त्यावर कमी वर्दळ असल्याचा फायदा चोरट्यांनी घेतले,
या प्रकरणी खडक पोलीस स्टेशनमध्ये गुन्हा दाखल करण्यात आला असून, पोलीस आरोपींचा शोध घेत आहेत. परिसरातील सीसीटीव्ही फुटेज तपासले जात असून, लवकरच आरोपींचा ठावठिकाणा लागेल, असा विश्वास पोलिसांनी व्यक्त केला आहे.
