लोक वार्ता – राज राठोड
पुणे | १९ ऑक्टोबर २०२५
वानवडी पोलिसांनी एका गुप्त माहितीच्या आधारे घोरपडी परिसरात धाड टाकून पैशांवर कोंबड्यांची झुंज लावणाऱ्या आणि प्राण्यांशी क्रूर वागणूक करणाऱ्या सहा जणांना अटक केली. ही कारवाई इम्प्रेस गार्डनच्या मागील बाजूस, बंगला क्रमांक २ जवळील मोकळ्या जागेत करण्यात आली.
पोलीस अंमलदार गोपाळ मदने आणि अमोल पिलाणे यांना गुप्त बातमीदारामार्फत माहिती मिळाली की काही इसम सार्वजनिक ठिकाणी कोंबड्यांची झुंज लावून जुगार खेळत आहेत. तपास पथकाने तत्काळ ठिकाणी जाऊन खात्री करून सापळा रचला आणि अचानक छापा टाकून सहा आरोपींना रंगेहात पकडले.
अटक केलेले आरोपी:
1. अमोल सदाशिव खुर्द (वय ४७, रविवार पेठ)
2. मंगेश आप्पा चव्हाण (वय ५५, भवानी पेठ)
3. निखिल मनिष त्रिभुवन (वय २०, घोरपडी)
4. अमिर आयुब खान (वय २८, घोरपडीगाव)
5. सचिन सदाशिव कांबळे (वय ४२, भवानी पेठ)
6. प्रणेश गणेश पॅरम (वय २७, कॅम्प)
हस्तगत मुद्देमाल:
– ६ रंगीबेरंगी फायटर कोंबडे
– ६ तंगुस पिशव्या
– ३ मोटारसायकल
– ५ मोबाईल हँडसेट
– ₹२५८०/- रोख
एकूण किंमत: ५लाख ११हजार ८८०
कायदेशीर कारवाई:
सर्व आरोपींविरुद्ध महाराष्ट्र जुगार प्रतिबंधक कायदा कलम १२(ब) आणि प्राण्यांना क्रूर वागणूक देण्यास प्रतिबंध करणाऱ्या अधिनियमाच्या कलम ११(इ)(न) अंतर्गत गुन्हा दाखल करण्यात आला आहे. गु.र.नं. ४२४/२०२५ नुसार वानवडी पोलीस स्टेशनमध्ये नोंद झाली आहे.
प्राण्यांवर क्रूरता करणाऱ्या आणि जुगारासारख्या बेकायदेशीर कृत्यांमध्ये सहभागी होणाऱ्यांविरुद्ध पोलिसांची ही कारवाई समाजात कायद्याचे भान निर्माण करणारी ठरते.
सदरची कारवाई ही मा. अपर पोलीस आयुक्त पुर्व प्रादेशिक विभाग पुणे शहर श्री. मनोज पाटील, मा. पोलीस उप-आयुक्त परिमंडळ ५ पुणे शहर डॉ. राजकुमार शिंदे, मा. सहा. पोलीस आयुक्त वानवडी विभाग, पुणे शहर श्री. धन्यकुमार गोडसे यांचे मार्गदर्शनाखाली वरिष्ठ पोलीस निरीक्षक वानवडी पो. स्टे. पुणे शहर भाऊसाहेब पाटील, पोलीस निरिक्षक (गुन्हे) श्री. विजयकुमार डोके यांचे सुचनाप्रमाणे तपास पथकाचे सहा. पोलीस निरीक्षक उमाकांत महाडिक, पोलीस अंमलदार दया शेगर, महेश गाढवे, अमोल पिलाणे, अतुल गायकवाड, अभिजित चव्हाण, यतीन भोसले, आशिष कांबळे, गोपाळ मदने, बालाजी वाघमारे, विष्णु सुतार, अमोल गायकवाड, विठ्ठल चोरमले, अर्षद सय्यद व सुजाता फुलसुंदर या विशेष पथकाने केली आहे.
