पुणे | लोक वार्ता – राज राठोड :
भारती विद्यापीठ पोलीस स्टेशनच्या तपास पथकाने वाहन चोरी प्रकरणात एका अल्पवयीन मुलाकडून ३ दुचाकी वाहन चोरीचे गुन्हे उघडकीस आणले आहेत. या प्रकरणी संबंधित विधीसंघर्षीत बालकाला ताब्यात घेण्यात आले असून तीनही चोरीची वाहने पोलिसांनी जप्त केली आहेत.
तपासासाठी पोलीस उपनिरीक्षक निलेश मोकाशी आणि तपास पथकातील पोलीस अंमलदार मंगेश गायकवाड, किरण साबळे, संदीप आगळे आणि तुकाराम सुतार यांना वाहन चोरांचा शोध घेण्याच्या सूचना देण्यात आल्या होत्या. त्यानुसार तपास पथकाने कारवाई करत असताना त्यांना एक विधीसंघर्षीत बालक आणि त्याच्याकडे चोरीस गेलेली वेस्पा दुचाकी आढळून आली.
पोलिसांनी तत्काळ ही दुचाकी जप्त केली. पुढील चौकशीत नमूद बालकाकडून आणखी दोन दुचाकी मिळून आले,
अशा प्रकारे एकूण ३ वाहन चोरीचे गुन्हे उघडकीस आले असून, भारती विद्यापीठ पोलिसांकडून पुढील तपास सुरू आहे.
सदरची कामगिरी, मा.अपर पोलीस आयुक्त पश्चिम प्रादेशीक विभाग, पुणे शहर, श्री. राजेश बनसोडे, मा. पोलीस उप-आयुक्त परिमंडळ २, पुणे शहर, श्री. मिलींद मोहीते, मा. सहाय्यक पोलीस आयुक्त स्वारगेट विभाग, पुणे शहर, श्री. राहुल आवारे यांचे मार्गदर्शनाखाली भारती विदयापीठ पोलीस स्टेशन, वरिष्ठ पोलीस निरीक्षक श्री. राहुल खिलारे, पोलीस उप-निरीक्षक निलेश मोकाशी, पोलीस अंमलदार मंगेश गायकवाड, किरण साबळे, तुकाराम सुतार, संदीप आगळे, सचिन सरपाले, महेश बारवकर, मंगेश पवार, निलेश खैरमोडे, मितेश चोरमोले, अभिनय चौधरी व सागर बोरगे यांनी केली.
