लोक वार्ता –राज राठोड
पुणे | डेक्कन परिसरातील प्रभात रोडवर १२ ऑक्टोबर रोजी सकाळी ६४ वर्षीय महिला पायी जात असताना दुचाकीवर आलेल्या दोघा चोरट्यांनी वयस्कर महिलेच्या गळ्यातील हिऱ्याच्या पेंडंटसह सोन्याचे मंगळसूत्र हिसकावून पलायन केले. डेक्कन पोलीस ठाण्यात दाखल झालेल्या तक्रारीनंतर अवघ्या २४ तासांत पोलिसांनी दोन्ही आरोपींना अटक करत गुन्ह्याचा छडा लावला.
वरिष्ठ पोलीस निरीक्षक गिरीषा निंबाळकर यांच्या मार्गदर्शनाखाली पो.उपनिरीक्षक अजितकुमार पाटील व अजय भोसले यांच्या पथकाने तपास सुरू केला. गोपनीय माहितीच्या आधारे आरोपी
१) जुल्फुकार वहीद शाह, वय ४० वर्षे .व्यवसाय , इलेक्ट्रिशन. रा.सर्वे नं.८१२ यशवंत नगर खराडी पुणे,
२) नसीम यामीन अन्सारी वय ४२ वर्षे, व्यवसाय, ऑटो रिक्षा चालक,रा.शिवनेरी नगर , कोंढवा पुणे
यांना १३ ऑक्टोबर रोजी अटक करण्यात आली. त्यांच्याकडून चोरीस गेलेले मंगळसूत्र व गुन्ह्यात वापरलेली हिरो डीलक्स दुचाकी जप्त करण्यात आली आहे. पुढील तपास सहायक पोलीस निरीक्षक गणेश जाधव करत आहेत.
सदरची कारवाई ही मा.अपर पोलीस आयुक्त पश्चिम प्रादेशिक विभाग पुणे शहर श्री. राजेश बनसोडे, मा. पोलीस उपायुक्त परिमंडळ-०१ पुणे शहर श्री. कृषिकेश रावले, मा. सहा. पोलीस आयुक्त, विश्रामबाग विभाग, पुणे शहर श्री. साईनाथ ठोंबरे यांच्या मार्गदर्शनाखाली वरिष्ठ पोलीस निरीक्षक श्रीमती गिरीषा निंबाळकर, पोलीस निरीक्षक (गुन्हे) श्री. प्रसाद राऊत यांच्या सुचनेप्रमाणे डेक्कन पोलीस स्टेशनकडील तपास पथकाचे पोलीस उप-निरीक्षक अजितकुमार पाटील, पोलीस उप-निरीक्षक अजय भोसले, पोलीस अंमलदार दत्तात्रय शिंदे, राजेंद्र मारणे, धनश्री सुपेकर, वसीम सिद्दीकी, सागर घाडगे, संजय दंडगुले, संतोष सागर व गणेश सातव.
