लोक वार्ता – राज राठोड
पुणे – शिवाजीनगर येथील जिल्हा व सत्र न्यायालयाच्या नवीन इमारतीत एक धक्कादायक घटना घडली आहे. ६१ वर्षीय नामदेव यशवंत जाधव यांनी तिसऱ्या मजल्यावरून उडी मारून आत्महत्या केली, या घटनेने न्यायालय परिसरात मोठी खळबळ उडाली आहे.
जमिनीच्या वादातून टोकाचे पाऊल
नामदेव जाधव हे वडकी, हडपसर येथे राहणारे होते. त्यांच्या कुटुंबात घरगुती जमिनीच्या वाटपावरून वाद सुरू होता. मिळालेल्या माहितीनुसार, जाधव यांच्या वडिलांनी संबंधित जमीन त्यांच्या नावावर केली नव्हती. मात्र, ती जमीन जाधव यांना हवी होती. नातेवाईकांनी घर बांधले होते,
प्रकरण न्यायालयात सुरू, पण निराशा वाढत गेली
या वादाचे प्रकरण शिवाजीनगर जिल्हा व सत्र न्यायालयात सुरू होते. ही घटना अचानक घडल्यामुळे परिसरात गोंधळाचे वातावरण निर्माण झाले.
शिवाजीनगर पोलीस स्टेशनचे वरिष्ठ पोलीस निरीक्षक महेश बोळकोटगी यांनी सांगितले की, जाधव यांच्या भावकीत जमिनीच्या कारणावरून वाद सुरू होता. आम्ही त्यांच्या कुटुंबीयांकडून अधिक माहिती घेत आहोत. यासंदर्भात सखोल तपास सुरू आहे.
