लोक वार्ता – राज राठोड
पुणे: शहरात पुन्हा एकदा गँगवॉरचा रक्तरंजित अध्याय उघड झाला आहे. कोंढवा परिसरातील खडी मशीनजवळ शनिवारी दुपारी झालेल्या गोळीबारात एका गुंडाच्या भावाचा निर्घृण खून करण्यात आला. पावसाच्या सरी सुरू असताना, भरदुपारी गणेश काळे (वय ३६, रा. येवलेवाडी) याच्यावर सहा गोळ्या झाडण्यात आल्या आणि नंतर कोयत्याने सपासप वार करत त्याचा जीव घेतला गेला.
खूनाचा थरकाप: पिस्तुल पुरवठ्याच्या सूडातून हल्ला:
गणेश काळे हा समीर काळे याचा भाऊ होता. समीर काळे सध्या कारागृहात असून तो सोमा गायकवाड टोळीचा सदस्य आहे. वनराज आंदेकरच्या खुनात वापरलेली पिस्तुले पुरवण्याची जबाबदारी समीरवर होती. त्यामुळे या हल्ल्याला सूडाची किनार असल्याचा संशय व्यक्त केला जात आहे.
भारत पेट्रोलियमजवळील खडी मशीन परिसरात ही घटना घडली. पावसाच्या सरी सुरू असताना भरदुपारी अचानक गोळीबार झाला आणि परिसरात एकच गोंधळ उडाला. प्रत्यक्षदर्शींनी दिलेल्या माहितीनुसार, हल्लेखोरांनी आधी गोळ्या झाडल्या आणि नंतर कोयत्याने सपासप वार करत गणेशचा खून केला. पोलिसांकडून पुढील तपास चालू आहे.
पोलीस उपायुक्त राजकुमार शिंदे
