लोक वार्ता –राज राठोड
पुणे – काळेपडळ पोलीस ठाणे हद्दीतील सराईत गुन्हेगार नोमन अरिफ सय्यद (वय २१, रा. गल्ली नं. १०, सय्यदनगर, हडपसर) याच्यावर महाराष्ट्र प्रतिबंधक अधिनियम (एमपीडीए) अंतर्गत कारवाई करण्यात आली आहे.
दि. १४ मार्च २०२५ रोजी रात्री १ वाजताच्या दरम्यान सय्यदनगर परिसरात आईस्क्रिम डिलिव्हरीसाठी गेलेल्या व्यक्तीवर नोमन सय्यद व त्याच्या साथीदारांनी धारदार शस्त्राचा धाक दाखवत मोबाईल व रोख रक्कम जबरदस्तीने लुटली. विरोध केल्यावर फिर्यादीस लोखंडी शस्त्राने मारहाण करण्यात आली. आरोपींनी परिसरात दहशत निर्माण करत “इथे आमच्या नादाला कोणी लागत नाही” आम्ही इथले भाई आहोत, असे म्हणत जोरजोरात आरडाओरडा केला
या घटनेनंतर काळेपडळ पोलीस ठाण्यात विविध कलमांखाली गुन्हा दाखल करण्यात आले होते. तपासादरम्यान नोमन सय्यद यास अटक करण्यात आली असून त्याच्याकडून गुन्ह्यात वापरलेली गाडी व मोबाईल जप्त करण्यात आले आहेत. आरोपीवर यापूर्वी खून, खुनाचा प्रयत्न, जबरी चोरी, मारहाण, दहशत निर्माण करणे यासारखे गंभीर गुन्हे दाखल आहेत.
सदर आरोपी हा वारंवार गुन्हे करून समाजासाठी धोकादायक ठरत असल्याने पुणे शहर पोलीस आयुक्त कार्यालयात एमपीडीए अंतर्गत कारवाईचा प्रस्ताव सादर करण्यात आला होता. त्यानुसार महाराष्ट्र अधिनियम १९८१ च्या कलम ३(२) अंतर्गत नोमन सय्यद यास स्थानबद्ध करण्यात आले आहे.
सदरची कामगिरी ही मा. अमितेश कुमार, पोलीस आयुक्त साो, पुणे शहर, मा.रंजन कुमार शर्मा, सह पोलीस आयुक्त साो. पुणे शहर, मा. मनोज पाटील, अप्पर पोलीस आयुक्त साो, पुर्व प्रादेशिक विभाग, डॉ. राजकुमार शिंदे, पोलीस उप आयुक्त, परिमंडळ ५ यांचे मार्गदर्शनाखाली सहाय्यक पोलीस आयुक्त, धन्यकुमार गोडसे, वानवडी विभाग पुणे, मानसिंग पाटील, वरिष्ठ पोलीस निरीक्षक, काळेपडळ पोलीस स्टेशन, पुणे शहर, अमर काळंगे, पोलीस निरीक्षक (गुन्हे) यांचे सुचने प्रमाणे सहाय्यक पोलीस निरीक्षक, अमित शेटे, पो.हवा.७७७४ एच.जी. कांबळे, पो. हवा. २०५२ राजेद्र वाघमारे, पो.हवा. २५७० गाडे, पोलीस अंमलदार ८३०२ सागर सुर्यवंशी, पो. अंमलदार ४३०८ पुजारी यांचे पथकाने करुन प्रशंसनीय कामगिरी केली आहे.
