लोक वार्ता –राज राठोड
पुणे : बंडगार्डन पोलीस स्टेशन हद्दीत हरवलेले मोबाईल फोन शोधून काढत तब्बल ५ लाख ९१ हजार रुपये किंमतीचे ५० मोबाईल फोन त्यांच्या मूळ मालकांच्या ताब्यात परत करण्यात आले. या कारवाईमुळे नागरिकांचा पोलिसांवरचा विश्वास अधिक दृढ झाला आहे.
बंडगार्डन पोलीस ठाण्याचे वरिष्ठ पोलीस निरीक्षक रविंद्र गायकवाड यांच्या मार्गदर्शनाखाली सायबर पथकाचे अधिकारी स्वप्नील लोहार, पोलीस अंमलदार निलेश पालवे आणि प्रविण पाडाळे यांनी ही कारवाई केली. हरवलेल्या मोबाईल फोनचा डेटा तयार करून त्यावर तांत्रिक तपास व सातत्याने पाठपुरावा करत अखेर मोबाईल हस्तगत करण्यात यश आले.
हस्तगत करण्यात आलेले मोबाईल फोन संबंधित तक्रारदारांना परीमंडळ–२ चे पोलीस उप-आयुक्त मिलींद मोहिते यांच्या हस्ते बंडगार्डन पोलीस स्टेशनमध्ये परत करण्यात आले. मोबाईल फोन परत मिळाल्याने तक्रारदारांनी मोठा दिलासा मिळाल्याचे सांगत पोलिसांचे मनःपूर्वक आभार मानले.
सदरची कामगिरी मा. अमितेश कुमार, पोलीस आयुक्त सो, पुणे शहर, मा. रंजनकुमार शर्मा सोो, पोलीस सह. आयुक्त, मा. राजेंद्र बनसोडे सो, अप्पर पोलीस आयुक्त, पश्चिम प्रादेशिक विभाग पुणे, मा. श्री. मिलिंद मोहिते, पोलीस उप आयुक्त परिमंडळ २, मा. श्रीमती संगिता शिंदे आल्फोन्सो, सहाय्यक पोलीस आयुक्त लष्कर विभाग, मा. वरिष्ठ पोलीस निरीक्षक रविंद्र गायकवाड, मा. पोलीस निरिक्षक (गुन्हे) निलकंठ जगताप मा. पोलीस निरीक्षक (गुन्हे) संपतराव राऊत यांचे मार्गदर्शनाखाली पोलीस उप-निरीक्षक स्वप्नील लोहार, निलेश पालवे, शशिकांत खाडे, महेश साळुंखे, प्रविण पाडाळे, महेश जाधव, यांचे पथकाने केली आहे.
