लोक वार्ता न्यूज – राज राठोड.
पुणे : काळेपडळ पोलिस तपास पथकाने धडाकेबाज आणि कौशल्यपूर्ण कारवाई करत, मालकाच्या लग्नमंडपाच्या कामासाठी ठेवलेली मोठी रोख रक्कम चोरी करणाऱ्या चालकास अटक करून तब्बल १५लाख,६,हजार,४२० रुपयांचा मुद्देमाल हस्तगत केला आहे.
आरोपीचे नाव: सलमान यासीन पठाण (वय ३२, रा. ईसा हाईट्स, खान कंपाऊंड, डावेगाव, ठाणे; मूळ गाव –पाली, बीड) तो फिर्यादीकडे ड्रायव्हर म्हणून काम करत होता. मालकाने मजुरांच्या पगारासाठी गाडीत ठेवलेली मोठी रक्कम त्याने संधी साधून चोरी केली व फरार झाला.
गुन्हा घडल्यानंतर आरोपीने आपले मोबाईल बंद ठेवत सातत्याने ठिकाणं बदलली. सांगली, बीड, पुणे ग्रामीण, मुंबई, मुंब्रा अशा भागांत सतत भ्रमण करून पोलिसांची दिशाभूल करण्याचा प्रयत्न केला. तो स्वतःचा मोबाईल न वापरता इतर अनोळखी व्यक्तींकडून मोबाईल घेऊन नातेवाईकांशी संपर्क करत असल्यामुळे त्याचा मागोवा घेणे कठीण झाले होते.
परंतु आरोपीने एकदा चुकून स्वतःच्या जुन्या क्रमांकावरून आपल्या नातेवाईकांना फोन केला. याच एका कॉलचा धागा पकडत पोलीस हवालदार प्रतिक लाहिगुडे यांनी तांत्रिक विश्लेषणाच्या साहाय्याने आरोपीचा अचूक ठावठिकाणा शोधून काढला.
तपास पथकातील अधिकारी: सपोनि अमित शेटे, पोहवा. दाऊद सय्यद, पो. अमलदार शाहिद शेख, प्रदीप बेडीस्कर, या पथकाने शिळडायघर पोलीस ठाणे, मुंब्रा परिसरात आरोपीस अटक केली. आरोपीकडून खालील मुद्देमाल जप्त करण्यात आला:
रोख रक्कम, सोन्याचे दागिने, चारचाकी वाहन, मोबाईल फोन, एकूण किंमत: १५लाख,६,हजार ४२०/- रुपये
या कारवाईमुळे पुणे शहर पोलिसांच्या तपास कौशल्याची पुन्हा एकदा प्रशंसा होत आहे. आरोपीला न्यायालयात हजर करण्यात येणार असून पुढील तपास सुरू आहे.
सदरची कामगिरी ही राजकुमार शिंदे, पोलीस उप आयुक्त परिमंडळ ५, पुणे शहर यांचे मार्गदर्शनाखाली धन्यकुमार गोडसे, सहाय्यक पोलीस आयुक्त, वानवडी विभाग, मानसिंग पाटील, वरिष्ठ पोलीस निरीक्षक, काळेपडळ पोलीस स्टेशन, यांचे सुचनेप्रमाणे अमित शेटे, सहाय्यक पोलीस निरीक्षक, पो.हवा. प्रविण काळभोर, दाऊद सय्यद, प्रतिक लाहिगुडे, पो.अं. श्रीकृष्ण खोकले, विशाल ठोंबरे, शाहीद शेख, लक्ष्मण काळे, नितीन शिंदे, अतुल पंधरकर, नितीन ढोले, सद्दाम तांबोळी, प्रदीप बेडीस्कर, महादेव शिंदे यांचे पथकाने करुन प्रशंसनीय कामगिरी केली आहे.
