लोक वार्ता –राज राठोड
पुणे: काळेपडळ पोलीस ठाण्याच्या तपास पथकाने एका बांधकाम साईटवरून अॅल्युमिनियमच्या सेंट्रिंग प्लेटा चोरी करणाऱ्या चोरट्याला अटक करण्यात यश मिळवले आहे. पोलिसांनी आरोपीकडून २ लाख ५३ हजार रुपये किमतीचा मुद्देमाल जप्त करत त्याला बेड्या ठोकल्या आहेत.
काळेपडळ पोलीस ठाण्याच्या हद्दीत एका बांधकाम साईटवरून अॅल्युमिनियमच्या प्लेटा चोरी झाल्याची तक्रार दाखल करण्यात आली होती. वरिष्ठ पोलीस निरीक्षक मानसिंग पाटील यांनी या गुन्ह्याच्या तपासासाठी पोलीस अंमलदार अतुल पंधरकर, सद्दाम तांबोळी, आणि शाहीद शेख यांचे पथक नेमण्यात आले होते. या पथकाने तातडीने घटनास्थळी भेट देऊन पाहणी केली आणि परिसरातील सीसीटीव्ही कॅमेऱ्यांची तपासणी केली. सीसीटीव्ही फुटेजच्या आधारे पोलिसांनी संशयित आरोपीचा शोध सुरू केला. याचदरम्यान, बातमीदारांकडून मिळालेल्या माहितीनुसार, पोलिसांनी कडनगर चौक, उंड्री येथे एका संशयित इसमास ताब्यात घेतले. त्याची चौकशी केली असता त्याने आपले नाव लहू चंद्रकांत लोणार, रा. गोयल गंगाचे प्लॉटमध्ये, महंदवाडी, पुणे असे सांगितले.
चौकशीदरम्यान लहू लोणार उडवाउडवीची उत्तरे देऊ लागला, पण सीसीटीव्ही फुटेजमधील आरोपीच्या हालचाली आणि देहबोलीशी त्याची हुबेहूब समानता असल्याने पोलिसांचा संशय बळावला. त्याला काळेपडळ पोलीस ठाण्यात आणून अधिक कसून चौकशी केली असता त्याने चोरीची कबुली दिली.
पोलिसांनी त्याच्याकडून एकूण ६१ अॅल्युमिनियमच्या सेंट्रिंग प्लेटा आणि गुन्हा करण्यासाठी वापरलेली टेम्पो गाडी असा एकूण २ लाख ५३ हजार रुपये किमतीचा मुद्देमाल हस्तगत केला.
सदरची कामगिरी ही राजकुमार शिंदे, पोलीस उप आयुक्त परिमंडळ ५, पुणे शहर यांचे मार्गदर्शनाखाली धन्यकुमार गोडसे, सहाय्यक पोलीस आयुक्त, वानवडी विभाग, मानसिंग पाटील, वरिष्ठ पोलीस निरीक्षक, काळेपडळ पोलीस स्टेशन, अमर काळंगे, पोलीस निरीक्षक (गुन्हे) यांचे सुचनेप्रमाणे अमित शेटे, सहाय्यक पोलीस निरीक्षक, पो.हवा. प्रविण काळभोर, दाऊद सय्यद, प्रतिक लाहिगुडे, पो.अं. श्रीकृष्ण खोकले, विशाल ठोंबरे, शाहीद शेख, लक्ष्मण काळे, नितीन शिंदे, अतुल पंधरकर, नितीन ढोले, सद्दाम तांबोळी, प्रदीप बेडीस्कर, महादेव शिंदे यांचे पथकाने करुन प्रशंसनीय कामगिरी केली आहे.
